வெள்ளி கிரகத்தில்  “பாஸ்பைன்” என்ற வாயு இருப்பது சமீபத்திய ஆய்வில் தெரிய வந்துள்ளது. இதனால் தற்போது வெள்ளி கிரகம் முக்கியமான கிரகங்களில் ஒன்றாக திகழ்கிறது. கிரகத்தின் மீது பாஸ்பைன் நம்பமுடியாத அளவிற்கு கண்டுபிடித்த பிறகு அதற்கு முன்னுரிமை அளிக்கும் நேரம் வந்துவிட்டது என நாசா தலைவர் தெரிவித்துள்ளார்.

நாசா நிர்வாகி ஜிம் பிரிடென்ஸ்டைன், வெள்ளி கிரகத்தின் வளிமண்டலத்தில் அன்னிய உயிர்கள் வாழ்வதற்கான அடையாளத்தை வானியலாளர்கள் கண்டறிந்த பின்னர் அந்த கிரகத்திற்கு முன்னுரிமை அளிக்க அழைப்பு விடுத்துள்ளார். வெள்ளி கிரகம் வீனஸ் இதுவரை அதன் தீவிர வெப்பநிலை, வளிமண்டல அமைப்பு மற்றும் பிற காரணிகளால் அங்கு மக்கள் வாழ ஏற்ற சூழல் உள்ள பகுதியாக இல்லை.

இந்த நிலையில் இயற்கை தொடர்பான அஸ்ட்ரோனோமி இதழில் திங்களன்று வெளியிடப்பட்ட ஆய்வில், விஞ்ஞானிகள் வெள்ளி கிரகத்தின் வளிமண்டலத்தில் “பாஸ்பைன்” என்ற வாயு இருப்பதை கண்டுபிடித்ததாக கூறினர். இது கிரகத்தின் மேகங்களில் உயிர் இருப்பதை குறிக்கிறது. “வெள்ளி கிரகத்தில் வாழ்க்கை? பாஸ்பைனின் கண்டுபிடிப்பு, காற்றில்லா உயிரியலின் ஒரு தயாரிப்பு, பூமிக்கு அப்பாற்பட்ட வாழ்க்கைக்கான  சூழலை உருவாக்குவதில் மிக முக்கியமான வளர்ச்சியாகும், ” என பிரிடென்ஸ்டைன் திங்களன்று ஒரு ட்வீட்டில் கூறியிருந்தார்.

மேலும் சுமார் 10 ஆண்டுகளுக்கு முன்பு நாசா, பூமியின் மேல் வளிமண்டலத்தில் 1,20,000 அடி உயரத்தில் நுண்ணுயிர் வாழ்வதை கண்டுபிடித்தது வெள்ளி கிரகத்திற்கு (வீனஸ்) முன்னுரிமை அளிக்க வேண்டிய நேரம் இது என்று அவர் மேலும் கூறினார்.

வெள்ளி கிரகத்தின் உயர் மேகங்கள் 30 டிகிரி செல்சியஸ் வரை வெப்பநிலையைக் கொண்டிருந்தாலும், அவை நம்பமுடியாத வகையில் அமிலத்தன்மை கொண்டவை. சுமார் 90 சதவிகிதம் கந்தக அமிலம் அங்கு வாழ முயற்சிக்கும் அனைத்து நுண்ணுயிரிகளுக்கும் பெரும் பிரச்சினைகளை ஏற்படுத்துகிறது.

ஆனால் வெள்ளி கிரகத்தின் வளிமண்டலத்தில் கண்டறியப்பட்ட “பாஸ்பைன்” மூலத்தைப் பகுப்பாய்வு செய்த விஞ்ஞானிகள் உயிரியல் அல்லாத ஆதாரங்களை நிராகரித்தனர், அதாவது உயிருள்ள ஒன்று மூலமாக இருக்கலாம் என கூறுகின்றனர். இங்கிலாந்து, அமெரிக்கா மற்றும் ஜப்பான் ஆராய்ச்சியாளர்களை உள்ளடக்கிய இந்த குழு, பாஸ்பைனை உருவாக்குவதற்கான பல மாற்று வழிகளை நிராகரிக்க முடியும் என்பதால் அவர்களின் கண்டுபிடிப்பு முக்கியமானது என்று நம்புகிறார்கள்.

ஆனால் வெள்ளி கிரகத்தில் வாழ கூடிய சூழல் இருப்பதை உறுதிப்படுத்த இன்னும் நிறைய ஆய்வுகள் தேவை என்பதை அவர்கள் ஒப்புக்கொண்டனர். இந்த ஆராய்ச்சியில் ஈடுபடாத நாசா, சூரிய மண்டலத்திலும் அதற்கு அப்பாலும் பல வழிகளில் வாழ்க்கையை தேடும் ஒரு விரிவான வானியல் திட்டத்தை கொண்டுள்ளது. “கடந்த இரண்டு தசாப்தங்களாக, புதிய கண்டுபிடிப்புகளை நாங்கள் செய்துள்ளோம்.

அவை வேறொரு இடத்தை  கண்டுபிடிப்பதற்கான சாத்தியக்கூறுகளின் கணிசமான அதிகரிப்பை கூட்டாகக் குறிக்கின்றன” என்று வெள்ளி கிரகத்தின் வளிமண்டலத்தில் “பாஸ்பைன்” இருப்பது கண்டுபிடிப்புக்கு பின்னர் ஒரு அறிக்கையில் நாசா கூறியுள்ளது. மேலும் அதிகரித்து வரும் கிரககங்களுக்கு மத்தியில், கண்டுபிடிப்புக்கான ஒரு அற்புதமான இடமாக வெள்ளி கிரகம் நிரூபிக்கப்பட்டுள்ளது.

நாசாவின் கண்டுபிடிப்பு திட்டத்திற்கான அடுத்த நான்கு முக்கிய பணிகளில் இரண்டு வெள்ளி கிரகத்தை மையமாகக் கொண்டுள்ளன என நாசா தகவல் அளித்துள்ளது. ஐரோப்பாவின் என்விஷன் பணி போலவே, இதில் நாசா ஒரு முக்கிய பங்களிப்பாளராக இருக்கும். மேலும் “வெள்ளி கிரகத்தை  நாங்கள் சிறிய பயணங்களை அடைய முடியும்” என்றும் நாசா தெரிவித்துள்ளது.